चेहऱ्यावर कॉक्रोचचे मास्क आणि एका हातात बाबासाहेब आंबेडकर यांचे पुस्तक आणि एका हातात देशाचा तिरंगा घेऊन दिल्लीच्या जंतरमंतरवरून आज हजारो तरुणांची गर्दी झाली होती. तर दुसरीकडे हातात डॉ. बाबासाहेब आंबेडकरांचे पुस्तक घेऊन सीजेपीचे संस्थापक अभिजीत दिपके अमेरिकेतून भारतात आले आणि थेट जंतरमंतरवरील आपल्या पहिल्या आंदोलनात सहभागी झाले. यावेळी या आंदोलनात सहभागी होण्यासाठी सामाजिक कार्यकर्ते सोनम वांगचूक देखिल उपस्थित होते. आत याच आंदोलनावर मुख्यमंत्री देवेंद्र फडणवीस यांनी जोरदार टीका केली आहे. ते म्हणाले, जंतर मंतरवर आंदोलन करणाऱ्यांचे आराजकतावादी चेहरे आणि मनसुबे उघडे पडले आहेत, असे इरादे कधीही यशस्वी होणारे नाहीत. तसेच त्यांना कुठलेही समर्थन मिळलेले नाही, असा दावा देवेंद्र फडणवीस यांनी केला आहे.