चंदीगड : भाजप नेत्या आणि हिमाचल प्रदेशातील मंडी लोकसभा मतदारसंघातील खासदार अभिनेत्री कंगना रणौत यांच्यासोबत एक मोठी घटना घडली आहे. एअरपोर्टवर सुरक्षा रक्षकांनी कानशिलात मारल्याचा आरोप खुद्द कंगना रनौत यांनी केला आहे. चंदीगड एअरपोर्टवर हा प्रकार घडला आहे. ही महिला सीआयएसएफने महिला कॉन्स्टेबल होती. कंगना रनौतला कानशिलात मारल्याप्रकरणी सीआयएसएफने महिला कॉन्स्टेबलला निलंबित केले आहे. या घटनेची माहीती कंगनाने व्हिडिओच्या मध्यमातून दिली आहे. या दरम्यान 'मी सुरक्षित आहे पण हा जो आतंकवाद व उग्रवाद पंजाबमध्ये वाढत आहे, तो कसा हाताळायचा? हा प्रश्न कंगना यांनी केला आहे'. ज्यावेळी शेतकरी आंदोलनाला बसले होते त्यावेळी कंगना यांनी त्या आंदोलनाला खलिस्तानी आंदोलन म्हटले होते. त्यावेळी आंदोलन करण्यास त्या सुरक्षा रक्षकांची आई बसली होती. आणि हाच राग मनात ठेवून या माहिला सीआयएसएफ कॉन्स्टेबलने कंगनाला कानशिलात मारली. असं म्हटलं जातं आहे.