भारत आणि पाकिस्तानमधील वाढत्या तणावाच्या पार्श्वभूमीवर चीनने पाकड्यांना पाठिंबा जाहीर केला आहे. चीनने आपल्या परराष्ट्र मंत्रालयाद्वारे निवेदन जारी करत पाकिस्तानच्या बाजूने ठाम भूमिका घेतली आहे. भारताने अलीकडेच जम्मू-काश्मीरमधील काही कारवायांवरून पाकिस्तानवर आरोप केले होते. भारताचे हे आरोप पाकिस्तानकडून फेटाळून लावले. दोन्ही देशांमध्ये सध्या तणावपूर्ण संबंध आहेत.

चीनने पाकिस्तानला जाहीर पाठिंबा दिला आहे. चीनने आपल्या निवेदनात म्हटले की, ते पाकिस्तानच्या सार्वभौमत्वाचे समर्थन करतात आणि भारताने संयम बाळगावा. तसेच, शांततापूर्ण चर्चेद्वारे प्रश्न सोडवण्याचे आवाहन केले. चीन आणि पाकिस्तान यांच्यातील मैत्रीपूर्ण संबंध आणि 'चीन-पाकिस्तान आर्थिक कॉरिडॉर' (CPEC) मुळे चीनची ही भूमिका अपेक्षित होती. मात्र, यामुळे भारत-चीन संबंधांवरही परिणाम होण्याची शक्यता आहे. भारताने यावर तीव्र प्रतिक्रिया देत आंतरराष्ट्रीय समुदायाला या मुद्द्यावर लक्ष देण्याचे आवाहन केले.