स्ट्रीट फुड असलेल्या शॉरमाचा चाहता वर्ग प्रचंड आहे. स्ट्रीड फुड विक्रेत्यांमध्ये दर चार किंवा पाच दुकानांमागे तुम्हाला शॉरमाचं दुकान आढळेलच. मात्र चवीचवीनं शॉरमा खाणाऱ्यांना धास्तावणारी धक्कादायक घटना समोर आली आहे. नवी मुंबईच्या उरणमध्ये उघड्यावर विकला जाणारा शॉरमा खाल्ल्यानं 5 मुलांची प्रकृती बिघडली. या मुलांवर सध्या उपचार सुरू आहेत. या घटनेमुळे खळबळ उडालीये.

पाच मुलांना शोरमा खाल्ल्यानं विषबाधा झाली. अन्न आणि औषध प्रशासनाने उरण तालुक्याकडे दुर्लक्ष केल्यानं शहरात आणि तालुक्यातील अनेक गावातील नाक्यांवर राजरोसपणे उघड्यावरील खाद्यपदार्थ परप्रांतीय नागरीक विक्री करत आहेत, त्यामुळे उघड्यावरील अन्न खाल्ल्याने अनेकांना उलट्या,पोटदुखी होत असल्याचा आरोप विषबाधा झालेल्या मुलांच्या पालकांनी केलायं...अन्न आणि औषध प्रशासनाने आरोग्याशी खेळणाऱ्या अशा व्यवसायिकांवर तातडीने कारवाई करावी अशी मागणी रहिवाशांकडून केली जातेय.. या घटनेमुळे नागरिकांच्या आरोगाचा प्रश्न ऐरणीवर आलाय..