10 दिवसांच्या वास्तव्यानंतर मंगळवारी अनंत चतुर्दशीला बाप्पाचं घरोघरी विसर्जन करण्यात आलं. यावेळी सर्वच भावुक होत असतात. असाच एक व्हिडिओ नाशिक जिल्ह्यातून समोर आला आहे. बाप्पाला निरोप देताना एक चिमुरडा अत्यंत भावुक होऊन रडत असल्याचा हा व्हिडिओ आहे.

गणपती बाप्पा हा सर्वांचाच आवडता देव आहे. लहान मुलांना बाप्पा म्हणजे अत्यंत जिव्हाळ्याचा विषय असतो. त्यामुळे बाप्पाच्या विसर्जनाच्या वेळी अनेक वेळा चिमुकले भावुक होतात. असाच एक चिमुकला बाप्पाच्या विसर्जनाने भावुक होऊन रडतानाचा व्हिडिओ सध्या सोशल मिडियावर व्हायरल होत आहे. नाशिकमधल्या तळवणमध्ये पगार कुटुंबाने 10 दिवसांच्या गणपतीचं काल विसर्जन केलं. यावेळी स्वराज पगार हा तीन वर्षीय चिमुकला बाप्पाच्या जाण्याने धायमोकलून रडताना दिसला. यावेळी सर्वांनी त्याची समजूत काढण्याचा प्रयत्न केला. मात्र स्वराजला बाप्पाच्या जाण्याचं फार दु:ख झालेलं या व्हीडिओमाधून दिसत आहे.