रोहित पवार आणि श्रीकांत शिंदे यांच्यात चांगलाच राजकीय कलगितुरा रंगलाय. मुख्यमंत्री एकनाथ शिंदे यांच्या कार्यकर्तुत्वावर विश्वास नसेल. म्हणून त्यांनी श्रीकांत शिंदेंना मंत्रिपद दिलं नसावा असा टोला रोहित पवार यांनी श्रीकांत शिंदेंना लगावला. रोहित पवारांच्या या टोल्यावर प्रत्यत्तर देताना श्रीकांत म्हणालेत की, आमचा कार्यकर्तांचा पक्ष आहे. हा पक्ष कुणाची प्रायव्हेट प्रॉपर्टी नाही. म्हणून शिंदेंनी कार्यकर्त्याला संधी दिली आहे. पंतप्रधान नरेंद्र मोदींनी तिसऱ्यांदा प्रधानमंत्रीपदाची शपथ घेतली. यावेळी मोदींच्या मंत्रिमंडळात मुख्यमंत्र्यांच्या चिरंजिव श्रीकांत शिंदेंना स्थान मिळेलं असं सर्वांना वाटत होत. पण, त्यांच्याऐवजी मुख्यमंत्री एकनाथ शिंदे यांनी प्रतापराव जाधव यांची वर्णी लावली. नेमकं याच मुद्द्यावरुन रोहीत पवारांनी श्रीकांत शिंदेंना टोला लगावला होता.