मुख्यमंत्री एकनाथ शिंदे यांनी बॉलिवूड अभिनेता सलमान खान याच्या वांद्रेतील गेलेक्सी अपार्टमेंट या निवासस्थानी जाऊन भेट घेतली. सलमान खान याचे वडील ज्येष्ठ पटकथाकार सलीम खान हेदेखील यावेळी उपस्थित होते. या भेटीत मुख्यमंत्र्यांनी सलमान आणि त्याच्या कुटूंबियांना त्यांच्या सुरक्षिततेची हमी दिली. तसेच त्यांच्या सुरक्षेत वाढ करण्यात आली असल्याचंही म्हटलं. सलमान खान आणि कुटुंबीयांच्या भेटीनंतर ते माध्यमांशी मुंबईथ बोलत होत. सलमानच्या घराबाहेर झालेल्या गोळीबारानंतर दोनच दिवसात मुंबई पोलिसांनी दोन आरोपींना अटक केलीय. त्यानंतर मुख्यमंत्री शिंदे यांनी खान कुटूंबियांची भेट घेऊन त्यांना त्यांच्या सुरक्षिततेची हमी दिली आहे. दरम्यान, यावेळी माजी आमदार बाबा सिद्दीकी, आमदार झिशान सिद्दीकी आणि युवासेनेचे राहुल कनाल हेही उपस्थित होते.