छत्रपती संभाजीनगरमध्ये माजी मंत्री अब्दुल सत्तार यांनी मंदिरात जाऊन दर्शन घेतलं. त्यानंतर मंदिर अपवित्र झाल्याचे म्हणत काही तरुणांनी गोमूत्र शिंपडून मंदिर स्वच्छ केल्याचा प्रकार समोर आलाय. अब्दुल सत्तार यांनी रहिमाबाद येथील नागेश्वर मंदिरात महाशिवरात्र निमित्ताने आज दर्शन घेतलं. मात्र त्यानंतर काही तरुणांनी सत्तार यांच्या याच दर्शनावरून आक्षेप घेतला आहे. अब्दुल सत्तार सकाळी जेवणात मांसाहार करतात, त्याशिवाय घर सोडत नाही. त्यामुळे अशा अपवित्र माणसाला महाशिवरात्रीच्या दिवशी मंदिरात प्रवेश देण्याला विरोध असल्याचे म्हणत या तरुणांनी मंदिरात गोमित्र शिंपडून मंदिर स्वच्छ केलंय. या प्रकारानंतर माजी मंत्री अब्दुल सत्तार यांच्याकडून कोणतीही अधिकृत प्रतिक्रिया समोर आलेली नाही.