छत्रपती संभाजीनगर : हवामान विभागाने वर्तविलेल्या संभाव्य पावसाचा इशारा आणि आज निर्माण झालेल्या पुराच्या धोक्याच्या पार्श्वभूमीवर जिल्ह्यातील सर्व शाळांना उद्या, दिनांक २९ सप्टेंबर रोजी सुट्टी जाहीर करण्यात आली आहे. विद्यार्थी, शिक्षक तसेच शालेय कर्मचारी यांच्या सुरक्षेच्या दृष्टीने हा निर्णय घेण्यात आला असून यासंदर्भातील अधिकृत आदेश जिल्हाधिकाऱ्यांकडून देण्यात आला आहे. तसेच जिल्हाधिकारी दिलीप स्वामी यांनी सर्वांनी आवश्यक ती काळजी घ्यावी, असे आवाहन केले आहे.