नागपूर : विनोद पाटील यांनी नागपुरात उपमुख्यमंत्री देवेंद्र फडणवीस यांची भेट घेतली. या भेटीनंतर विनोद पाटील यांनी सविस्तर प्रतिक्रिया दिली. छत्रपती संभाजीनगरमधील उमेदवारीसाठी महायुतीत पुर्नविचार होईल, असा विश्वास त्यांनी यावेळी व्यक्त केला. माझा विजय निश्चित आहे, असं म्हणत त्यांनी आपण निवडणूक लढणार असल्याचा पुनरुच्चारही त्यांनी यावेळी केली. महायुतीकडून उमेदवारी मिळाली नाही, तरी मी लोकसभा निवडणूक लढणार असल्याचं त्यांनी म्हटलंय. दरम्यान, आता संदीपान भुमरे यांच्या उमेदवारीवरुन चर्चांना उधाण आलंय. देवेंद्र फडणवीस यांच्या भेटीदरम्यान लोकसभेच्या निवडणुकीच्या अनुषंगाने सकारात्मक चर्चा झाल्याचंही विनोद पाटील यांनी यावेळी म्हटलं.