सरदेसाई यांच्या पुस्तकामधील दाव्याबद्दल छगन भुजबळ यांच्याकडून खरं खोटं करण्यात आलं आहे. आपण अशी कोणतीही मुलाखत दिलेली नसून या प्रकरणी निवडणुकीनंतर कारवाई करणार असल्याचं देखील त्यांनी म्हंटलं आहे. शुक्रवारी यासंदर्भात पत्रकार परिषद आयोजित करून त्यांनी स्पष्टीकरण दिलं आहे.

'मी भाजपसोबत ईडीच्या भीतीने गेलो नाही, तर विकासासाठी आम्ही महायुतीसोबत गेलो. राजदीप सरदेसाई यांनी लिहिलेले पुस्तक मी स्वतः वाचणार आहे. माझ्या वकीलांनादेखील देणार असून निवडणुकीनंतर यावर काय कारवाई करता येईल ते ठरवेल, असा इशारा छगन भुजबळांनी दिला आहे. मी त्यांना कुठलीही मुलाखत दिलेली नाही, हे पुस्तक निवडणुकीच्या काळातच का आलं? असा सवालही भुजबळ यांनी यावेळी बोलताना उपस्थित केला. तसंच महाराष्ट्र सदन प्रकरणी उद्धव ठाकरे यांचं सरकार असतानाच मला क्लीनचीट मिळाली होती, तेव्हा मी उद्धव ठाकरे आणि शरद पवारांना पेढे देखील दिले होते. आम्ही केवळ आमच्या मतदारसंघाच्या विकासासाठी महायुतीसोबत गेलो, असंही त्यांनी म्हंटलं आहे.

Edited By Rakhi Rajput