सर्वसामान्यांसाठी महत्त्वाची बातमी आहे. तुम्हाला जर कोणतीही औषधे खरेदी करायची असतील, तर ती आजच खरेदी करून घ्या. कारण देशभरातील औषध विक्रेत्यांनी उद्या देशव्यापी संप पुकारला आहे. बेकायदा ऑनलाइन औषध विक्री आणि कॉर्पोरेट कंपन्यांच्या मनमानी विरोधात मेडिकल संघटनेनी संप पुकारला आहे. केमिस्ट असोसिएशन ऑफ पुणे डिस्ट्रिक्टन ही माहिती दिलीये. केंद्र सरकारकडे वारंवार मागण्या करूनही दुर्लक्ष झाल्यानं अखेर हे पाऊल उचलण्यात आल्याचं संघटनेनं म्हटलं आहे. देशभरातील 12 लाखांहून अधिक केमिस्ट आणि औषधविक्रेते या संपात सहभागी होणार आहेत.