भाजपच्या केंद्रीय पार्लमेंटरी बोर्डाने 99 उमेदवारांची यादी जाहीर केली आहे. या यादीत भाजप प्रदेशाध्यक्ष चंद्रशेखर बावनकुळे यांना उमेदवारी देण्यात आलीय. कामठी मतदरासंघातून त्यांना उमेदवारी देण्यात आली आहे. भाजपने पहिली यादी आज जाहीर केली असून यात वाबनकुळे यांची प्रतिक्रिया दिलीय. आमचे जे ९९ उमेदवार जाहीर झाले आहे, ते महायुतीमध्ये चांगल्या मतांनी निवडून येतील. पंतप्रधान नरेंद्र मोदी , केंद्रीय गृहमंत्री अमित शाह, भाजपाचे राष्ट्रीय अध्यक्ष जे पी नड्डा, उपमुख्यमंत्री देवेंद्र फडणवीस, आमचे महाराष्ट्र प्रभारी भूपेंद्र यादवजी या सर्वांनी बसून एक चांगला निर्णय घेतलेला आहे.

आम्ही राज्याच्या विकासासाठी आम्हाला सरकार हवंय, केंद्रातील मोदी सरकार आणि राज्यातील महायुतीच सरकार राज्याचं विकास करणार. उमेदवारी मिळण्यावरून बावनकुळे म्हणाले, जेव्हा जी जबाबदारी दिली ती पार पाडावी लागते, मागील वेळेस संघटना सांभाळायला सांगितली आता निवडणुक लढायला सांगितले. महायुतीतील वादाविषयी ते म्हणाले, आमचा काही वाद नाही, आमचे तीनही पक्षाचे उमेदवार जे जिंकू शकतात असेच आहेत.