देशात आदिवासी खात्यात सर्वाधीक भ्रष्टाचार करणारा मंत्री म्हणून डॉ विजयकुमार गावित परिचित आहे. त्यांनी इतके पाप करुन देखील त्याचे काहीही वाकडे झाले नाही. त्यामुळे आमच्या साऱख्या माणसांच्या खोट्या तक्रारी करुन आमचे काय बिघडणार असा टोला शिंदे गटाचे विधान परिषद आमदार चंद्रकांत ऱघुवंशी यांनी डॉ गावितांना लगावला आहे. डॉ विजयकुमार गावितांसारखा पापी माणूस आमच्यावर बोलत असेल तर दुध का दुध पाणी का पाण होईलच असे चंद्रकांत रघुवंशी म्हणाले आहेत.

डॉ गावितांनी अक्कलकुवा येथील सभेत शिंदे गटाच्या आमदारांवर टिका करत स्वबळाची भाषा केली आहे. त्यांनतर चंद्रकांत रघुवंशी यांच्याकडून त्यांच्यावर टिकास्त्र करण्यात आले आहे. आम्ही देखील स्वबळासाठी तयार असलो तरी पक्ष श्रेष्ठी जो निर्णय देखील तो आम्हाला मान्य असल्याचे चंद्रकात रघुवंशी म्हणाले आहेत. डॉ गावितांना जिल्ह्यात भाजपातच कोणी विचारत नसल्याची टिका देखील रघुवंशींनी केली. या टिका टिकास्त्रामुळे जिल्ह्यातील महायूतीमधील आमदार एकमेकांचे उणेदूणे काढतांना दिसुन येत आहे