राज्यातील उमेदवारी जाहीर झालेल्या पक्षातील अनेक उमेदवारांनी आज उमेदवारी अर्ज दाखल केला आहे. यावेळी उमेदवारांकडून शक्तीप्रदर्शन करण्यात येत आहे. पुण्यात देखील जोरदार शक्तीप्रदर्शन सुरु आहे. कोथरुड विधानसभेसाठी भाजपकडून चंद्रकांत पाटील यांना उमेदवारी देण्यात आली आहे. कोथरुड भागामध्ये शेकडो कार्यकर्त्यांच्या उपस्थितीमध्ये, फुलांची उधळण करत चंद्रकांत पाटील यांचे स्वागत करण्यात आलं. पुण्याचे ग्रामदैवत कसबा गणपती आणि शंकर महाराज मठामध्ये दर्शन घेतलं. पुण्यात जोरदार शक्तीप्रदर्शन करत अर्ज दाखल करण्यात आला आहे.

राज्यामध्ये विधानसभा निवडणुकीचे बिगुल वाजले आहे. येत्या 20, नोव्हेंबर रोजी मतदान तर 23 नोव्हेंबर रोजी निकाल लागणार आहे. त्यामुळे सर्व राजकीय पक्ष जोरदार तयारीला लागले आहेत. महायुतीचे बहुतांश उमेदवार जाहीर करण्यात आले आहेत. अजित पवार गट, शिंदे गट व भाजपची यादी जाहीर करण्यात आली आहे. त्यामुळे आज गुरुपुष्यामृत योग साधून अनेक बडे नेते शक्तीप्रदर्शन करत अर्ज दाखल करणार आहेत.

Edited By Rakhi Rajput