पंढरपूर शहरातून वाहणारी चंद्रभागा नदीनं आज सकाळी इशारा पातळी गाठल्याने शहरात चिंता पसरली आहे. गेल्या दोन दिवसांपासून सुरु असलेल्या मुसळधार पावसामुळे नदीच्या पाण्याची पातळी झपाट्याने वाढत आहे. यामुळे नदीकाठच्या नागरिकांमध्ये भीतीचे वातावरण निर्माण झाले आहे. पंढरपूर नगरपरिषद आणि आपत्ती व्यवस्थापन विभागाने तातडीने सावधानगिरीचा इशारा दिला आहे. नदीलगत राहणाऱ्या नागरिकांना सतर्क राहण्याचे आवाहन करण्यात आले असून काही ठिकाणी सुरक्षिततेसाठी नागरिकांना हलवण्याची तयारी सुरू झाली आहे.नदिकाठच्या लोकांवरती पुराची टांगती तलवार अजूनही कायम आहे. तसेच प्रशासनाने बचाव पथकांना सतर्क राहण्याचे आदेश दिले आहेत.