महेंद्र वानखेडे, साम टीव्ही

मध्य रेल्वेच्या प्रवाशांसाठी महत्वाची बातमी हाती आली आहे. मध्य रेल्वेच्या वसई-दिवा रेल्वे मार्गावरील वाहतूक विस्कळीत झाल्याची घटना घडली आहे. या मार्गावरील बाडमेर-यशवंतपूर एक्स्प्रेसमध्ये बिघाड झाल्याची घटना घडली घडली.

बाडमेर-यशवंतपूर एक्स्प्रेसमध्ये बिघाड झाल्याने वसई-दिवा मार्गावरील वाहतूक विस्कळीत झाली आहे. बाडमेर-यशवंतपूर एक्स्प्रेसच्या एका डब्याचे चाक जाम झाल्याने गाडी थांबवण्यात आली आहे. दिव्यावरून वसईकडे येणाऱ्या गाड्या खोळंबल्या. रुळावरील गाड्या थांबल्यामुळे प्रवासी रेल्वे रुळावरून चालत निघाले आहेत. एक्स्प्रेसमध्ये अचानक बिघाड झाल्याने प्रवाशांची मोठे हाल झाले आहेत.

मध्य रेल्वेची वाहतूक विस्कळीत झाल्यानंतर रेल्वे कर्मचाऱ्यांनी घटनास्थळी धाव घेतली. अर्ध्या तासांच्या दुरुस्तीनंतर एक्स्प्रेस पुन्हा सुरु झाली.