डोंबिवली रेल्वे स्थानकात मेल गाडी बंद पडल्याने मध्य रेल्वेची वाहतूक बंद पडली आहे.त्यामुळे ठाण्याकडून कल्याणकडे जाणाऱ्या गाड्या उशिराने धावत आहेत. रेल्वे स्थानकात प्रवाशांची मोठी गर्दी झाली असून, प्रवाशांचा खोळंबा देखील झालाय.लोकांची ट्रेनमध्ये चढताना झुंबड उडत आहे. दरम्यान सकाळी देखील मुसळधार पावसामुळे मध्य रेल्वेची वाहतूक विस्कळीत झाली होती. आणि आता पुन्हा मेल गाडी बंद पडल्याने वाहतूक विस्कळीत झालीये.सकाळपासून मुंबईसह उपनगरात मुसळधार पाऊस सुरु आहे.अनेक ठिकाणी पाणी साचल्याने नागरिकांना पाण्यातून मार्ग काढताना मोठी कसरत करावी लागत होती.