मध्य रेल्वेची वाहतूक विस्कळीत झालीये. आठवड्याच्या सुरुवातीलाच वाहतुकीवर परिणाम झालाय. कळवा रेल्वे स्थानकात लातूर-बिदर एक्सप्रेसमध्ये तांत्रिक बिघाड झाल्याने वाहतूक खोळंबली. सकाळीच रेल्वेसेवा विस्कळीत झाल्याने चाकरमान्यांचे मोठे हाल होत आहेत. मध्य रेल्वेची जलद मार्गाची लोकल 20 ते 25 मिनिटं उशिराने धावत आहे. लातूर एक्सप्रेस ही सध्या कळवा स्थानकात थांबविण्यात आली असून, मध्य रेल्वेचे संपूर्ण वेळापत्रक हे कोलमडलेय. लोकलसेवेवर मोठा परिणाम झाला असून, नागरिकांमध्ये संताप व्यक्त केला जातोय.