राज्यातील मुसळधार पावसामुळे सोमवारी लोकलसेवा खोळंबली होती. परंतु आता पावसाचा जोर ओसरल्यामुळे लोकलसेवा सुरळीत सुरु झाली आहे. परंतु दुसऱ्या दिवशी देखील मध्य रेल्वेची वाहतूक उशीराने सुरु आहे. मध्य रेल्वे वरील गाड्या पंधरा ते वीस मिनिटे उशिराने धावत आहे. त्यामुळे कल्याण रेल्वे स्टेशनवर प्रवाशांची मोठ्या प्रमाणामध्ये गर्दी पाहायला मिळत आहे. मुशळधार पाऊस नसतानाही रेल्वे वाहतुकीला उशीर होत असल्याने प्रवाशांकडून नाराजी व्यक्त केली जात आहे. मध्य रेल्वेची वाहतूक ही वारंवार उशीराने होत असते त्याचा फटका सर्वसामान्य प्रवाशांना बसत असतो.