विधानसभेत अजित पवार यांनी अधिकच्या जागांचा आग्रह सोडवा असा सल्ला केंद्रीय गृहमंत्री अमित शहा यांनी अजित पवार यांना दिला आहे. दिल्लीत झालेल्या बैठकीत केंद्रीय गृहमंत्री अमित शहा यांनी हा सल्ला दिला आहे. या बैठकीत महायुतीचं जागावाटपाचं सूत्र ठरल्याचं देखील सूत्रांकडून सांगण्यात आलं आहे.

काल केंद्रीय गृहमंत्री अमित शहा यांच्या उपस्थितीत दिल्लीत मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांची जागावाटपाबाबत अंतिम बैठक पार पडली आहे. तब्बल अडीच तास चाललेल्या या बैठकीत अजितदादांनी वाढवा जागांचा आग्रह सोडवा असं अमित शहा यांनी म्हंटलं आहे. अजित पवार यांच्या गटाच्या नेत्यांनी याबाबत अजित पवार यांच्याकडे मागणी केली होती. लोकसभेला जागावाटपा बाबत आपण त्याग केला होता, त्यामुळे आता विधानसभेत आपल्याला वाढीव जागा देण्यात याव्यात अशी मागणी नेत्यानी अजितदादांना केली होती. मात्र आता विधानसभेत देखील अमित शहा यांनी अजित पवारांना अधिकच्या जागांचा आग्रह सोडण्याचा सल्ला दिला असल्याचं सूत्रांकडून सांगण्यात आलं आहे. त्यामुळे आता जागावाटपात अजित पवार यांच्या गटाला किती जागा येणार हे बघणं महत्वाचं ठरणार आहे.