नाफेड आणि NCCF कडून केल्या जाणाऱ्या कांदा खरेदीत घोटाळा झाल्याचा आरोप करण्यात आलेला होता. साम टीव्हीने या घोटाळ्याचा पडदाफाश देखील केला होता. याच प्रकरणी आता केंद्र सरकारने कारवाई केली आहे. NCCFशी संबंधित १५ उत्पादक कंपन्यांना सरकारने दणका दिला आहे. १५ फार्मर कंपन्यांना काळ्या यादीत टाकण्यात आलेलं आहे. तसंच या १५ कंपन्यांचे व्यवहार केंद्राने थांबवले आहेत.

नाफेड आणि NCCF कडून केल्या जाणाऱ्या कांदा खरेदीत केवळ कागदोपत्री कांदा खरेदी दाखवून कोट्यवधीची फसवणूक करण्यात करण्यात आलेली होती. या घोटाळ्याचा आरोप झाल्यानंतर साम टीव्हीने संपूर्ण प्रकरणाचा पडदाफाश केला होता. त्यानंतर आता या प्रकरणी अखेर कारवाई करण्यात आलेली आहे. NCCFसोबत संबंधित १५ उत्पादक कंपन्यांवर सरकारने कारवाई करत दणका दिलेला बघायला मिळाला आहे. NCCF शी संबंधित ८० ते ९० फार्मर प्रोड्युसर कंपन्यांनी कांदा खरेदीचे व्यवहार केले होते. केवळ कागदावर ही खरेदी दाखवून कोट्यवधी रुपयांची फसवणूक झालेली होती. त्यापैकी १५ कंपन्यांवर कारवाईचा बडगा उगारण्यात आलेला आहे. या कांदा खरेदी घोटाळ्याची सखोल चौकशी करण्याची मागणी कांदा उत्पादक शेतकऱ्यांनी आता केली आहे. तसंच भ्रष्टाचार केलेला पैसा वसूल करत शेतकऱ्यांना वाटप करण्यात यावा अशीही मागणी करण्यात आली आहे.