नीट पेपरफुटीनंतर आता पुर्नपरीक्षा २१ जून रोजी होणार आहे. प्रशासनानेही पुर्नपरीक्षेसाठी तयारी सुरू केली आहे. याच नीट पेपर फुटीप्रकरणात कारवाईचाही धडाका लावला आहे. पोलिसांची देशभरातील विविध भागात कारवाई सुरू आहे. महाराष्ट्रातील विविध भागात देखील पोलिसांनी कारवाई धडाका लावला आहे. दुसरीकडे नीट पेपरफुटी प्रकरणावरून आता केंद्र सरकार चांगलंच सतर्क झालं आहे.

केंद्र सरकारने राष्ट्रीय चाचणी एजन्सीच्या प्रशासकीय रचनेत मोठे बदल केले आहेत. सरकारने आकाश जैन आणि आदित्य भोजगाढिया यांची एनटीएच्या संयुक्त संचालकपदी नियुक्ती केली आहे. परीक्षांमध्ये पारदर्शकता आणि विश्वासार्हता वाढवण्यासाठी महत्त्वाचे पाऊल उचलण्यात आलंय. परीक्षा व्यवस्थेवरील विश्वास पुन्हा निर्माण करण्यासाठी केंद्र सरकारकडून करण्यात आलेला हा अत्यंत महत्त्वाचा बदल मानला जात आहे.