Viral Video News : एका जीर्ण घराची भिंत रस्त्यावरून जाणाऱ्या दुचाकीवर कोसळली. सुदैवाने हा दुचाकीस्वार थोडक्यात बचावला. हा संपूर्ण प्रकार सीसीटीव्ही कॅमेऱ्यात कैद झालाय... उत्तर प्रदेशातील अमरोहा येथे हा भीषण अपघात झाला. या घटनेमुळे परिसरात भीतीचे वातावरण पसरले आहे. स्थानिक नागरिकांनी जर्जर इमारतींच्या सुरक्षिततेबाबत प्रश्न उपस्थित केले आहेत.

अमरोहा येथील बटबाल या ठिकाणी ही हृदयद्रावक घटना घडली. एका घराची भिंत अचानक कोसळली, आणि त्याखाली बाइकस्वार तरुण दबला गेला. ही घटना परिसरातील सीसीटीव्ही कॅमेऱ्यात कैद झाली आहे. सीसीटीव्ही फुटेजनुसार, जुन्या घराची भिंत कोसळताच तिथून जाणारा बाइकस्वार आरिफ मन्सूरी मलब्याखाली दबला गेला. हा आवाज ऐकून स्थानिक लोक तातडीने घटनास्थळी धावले आणि कठीण परिश्रमानंतर त्यांनी तरुणाला मलब्यातून बाहेर काढले. गंभीर जखमी झालेल्या आरिफला तात्काळ खासगी रुग्णालयात दाखल करण्यात आले.