दहावीच्या विद्यार्थ्यांसाठी सर्वात मोठी बातमी. कारण इयत्ता दहावी बोर्डाची परीक्षा आता वर्षातून दोनदा होणार आहे. सन 2026-27 पासून या निर्णयाची अंमलबजावणी होणार आहे. विद्यार्थ्यांना परीक्षेत चांगली कामगिरी करता यावी यासाठी वर्षातून दोनदा परीक्षा घेतली जाईल. विद्यार्थ्यांनी दोन्ही परीक्षा दिल्यानंतर मिळालेले सर्वोत्तम गुण ग्राह्य धरण्यात येणार आहेत. तसा पर्याय विद्यार्थ्यांना दिला जाईल. केंद्रीय शिक्षण मंत्री धर्मेंद्र प्रधान यांच्या अध्यक्षतेखाली झालेल्या बैठकीत CBSE मध्ये शिकणाऱ्या विद्यार्थ्यांसाठी हा निर्णय घेण्यात आला.