रायगड जिल्ह्यातील महाड तालुक्यातील वरंडोली येथे आज भीषण अपघात झाला. झायलो जिपवरील चालकाचा ताबा सुटल्याने जिप थेट एका घरात घुसली. सुदैवाने या अपघातात कोणतीही जीवितहानी झाली नाही. मात्र, जिपसह घराचे मोठ्या प्रमाणात नुकसान झाले आहे. अपघाताच्या वेळी चालक दारूच्या नशेत असल्याचा संशय ग्रामस्थांनी व्यक्त केला आहे. अपघातानंतर घटनास्थळी मोठी गर्दी जमली होती. जिप घराच्या भिंतीला धडकून आत शिरल्याने घरातील साहित्याचेही नुकसान झाले आहे. घटनेची माहिती मिळताच पोलिसांनी घटनास्थळी धाव घेऊन पाहणी केली असून चालकाची चौकशी सुरू आहे. पुढील तपास महाड पोलीस करत आहेत.