पुणे जिल्ह्यात यात्रा-जत्रांच्या पार्श्वभूमीवर बैलगाडा शर्यतींचा उत्साह शिगेला पोहोचला असतानाच उत्तर पुणे जिल्ह्यात धक्कादायक घटना घडली आहे. शर्यतीदरम्यान बिथरलेला बैल उधळला. ज्यानं त्याला पकडलं होतं, त्याच व्यक्तीवर झेप घेतली. त्यानंतर भर गर्दीत शिरला.

उत्तर पुणे जिल्ह्यातील शर्यतीत बैल छकड्याला जुंपला जात होता. पण तो अचानक बिथरला. बैलाला पकडून आवरण्याचा प्रयत्न करणाऱ्या व्यक्तीच्या अंगावर त्याने झेप घेतली. त्यानंतर शर्यत बघायला आलेल्या प्रेक्षकांच्या गर्दीत घुसला. अचानक घडलेल्या या प्रकारामुळे घाटात धावपळ उडाली. काही काळ भीतीचे वातावरण निर्माण झाले होते. सुदैवाने या घटनेत कोणतीही जीवितहानी झाली नाही. या घटनेचा व्हिडिओ सोशल मीडियावर व्हायरल होत आहे.