बुलढाणा जिल्ह्यात खडकपूर्णा नदी पत्रात अवैध वाळू तस्करांवरती कारवाई करण्यात आलेली आहे. वाळू उपसा करणाऱ्या १५ बोटी नष्ट करण्यात आलेल्या आहे. सिंदखेडराजा तालुक्यातील इसरूळ आणि सिंदगाव जहांगीर परिसरात ही कारवाई करण्यात आली आहे. जिल्ह्यात अवैध रेती वाहतूक करणाऱ्यांची दादागिरी वाढली होती. इतकंच नाही तर तीन तलाठ्यांना चिरडण्याचा देखील प्रयत्न करण्यात आला होता. म्हणूनच जिल्हा प्रशासन अॅक्शन मोडवर आल्याचं पाहायला मिळालं.

अवैध वाळू तस्करांची वाढती दादागिरी बघता बुलढाणा जिल्हा प्रशासनाने वाळू तस्करी करणाऱ्या तब्बल १५ बोटी नष्ट केल्या आहेत. सिंदखेडराजा तालुक्यातील इसरूळ आणि सिंदगाव जहांगीर परिसरातल्या खडकपूर्णा नदी पत्रात ही कारवाई झाली आहे. त्यामुळे वाळू तस्करांचे धाबे दणाणलेले बघायला मिळत आहे.