गोपाळ मोटघरे, पिंपरी-चिंचवड | साम टीव्ही

गेल्या काही दिवसांपासून पुणे, पिंपरी-चिंचवडसह ग्रामीण भागात पावसानं धुमाकूळ घातला आहे. पिंपरी-चिंचवडमध्ये इमारत कोसळल्याची घटना घडली. या घटनेनंतर परिसरात एकच खळबळ उडाली. इमारत कोसळल्यानंतर ढिगाऱ्याखाली अनेक नागरिक दबल्याची भीती व्यक्त केली जात आहे.

प्राथमिक माहितीनुसार, मोशी कचरा डेपोजवळ ही धक्कादायक घटना घडली आहे. इमारत कोसळली असून, ढिगाऱ्याखाली १४ जण अडकल्याची माहिती समजते. या घटनेची माहिती मिळाल्यानंतर पोलीस, अग्निशमन दल आणि बचावपथके घटनास्थळी पोहोचली आहेत. मदत आणि बचावकार्य युद्धपातळीवर सुरू आहे.

ही इमारत काही वर्षांपूर्वीच बांधण्यात आली होती. मात्र, ही इमारत कोसळल्याने बांधकामाच्या दर्जाबाबत प्रश्न उपस्थित केले जात आहेत.