माणूस आणि पाळीव प्राण्याचे नातं काही वेगळंच असते. आपल्या पाळीव प्राण्याबद्दल मालकाला खूप जिव्हाळा असतो. दरम्यान, असाच एका म्हशीचा आणि तिच्या मालकाचा व्हिडिओ सोशल मीडियावर व्हायरल होत आहे. यामध्ये मालकाचा जीव वाचवण्यासाठी म्हैस धावत आल्याचे दिसत आहे. व्हिडिओमध्ये दिसतंय की, एक तरुण म्हशीच्या मालकाशी झटापट करताना दिसत आहे. ही घटना पाहताच म्हशीने क्षणभरही विचार न करता थेट मालकाला वाचवण्यासाठी धावली आहे. तिने या तरुणाला धडक देण्याचा प्रयत्न केला. म्हशीचा हा राग पाहून तरुण तिथून पळून गेला. दरम्यान, आपल्या जीवासाठी धावत आलेल्या म्हशीला मालकाने गोंजरले आहे. हा व्हिडिओ सध्या प्रचंड व्हायरल होत आहे.