राजगुरूनगर : राजगुरूनगरमध्ये (Rajgurunagar) एक धक्कादायक घटना समोर आली आहे. एका मतदाराच्या नावापुढे आधीच सही असल्याने बोगस मतदान (Bogus Voting) झाल्याचा आरोप होत आहे. पुणे जिल्ह्यातील राजगुरुनगर शहरात हुतात्मा राजगुरू शाळेत हा धक्कादायक प्रकार घडला आहे. एक मतदार मतदानासाठी मतदान केंद्रावर आला. पण त्यांच्या नावापुढे आधीच एका मतदाराने सही केली होती. त्यामुळे इथे बोगस मतदान केल्याचा आरोप होत आहे. या घटनेमुळे प्रशासनाचा भोंगळ आणि गलथान कारभार असल्याचाही आरोप होत आहे.