जम्मू-काश्मीरमध्ये झालेल्या पाकिस्तानच्या हल्ल्यानंतर सुरक्षा यंत्रणा सतर्क झाल्या असून, त्या पार्श्वभूमीवर पुणे विमानतळावर आज रात्री ८.३० वाजता ब्लॅकआउट ड्रिल पार पडला.

या सरावाचा उद्देश म्हणजे विमानतळाच्या सुरक्षेच्या तयारीची चाचणी घेणे व आपत्कालीन परिस्थितीत प्रतिसाद प्रक्रियेत सुधारणा करणे. पुणे विमानतळावर सीआयएसएफ, एअरलाइन्स आणि इंडियन एअर फोर्स (IAF) यांच्या समन्वयाने हा ब्लॅकआउट ड्रिल आयोजित करण्यात आला.

ही ब्लॅकआउट ड्रिल नियोजित होती आणि ती पूर्णतः सरावाचा भाग होती. यामध्ये संपूर्ण प्रकाशयोजना बंद करून, तातडीच्या परिस्थितीत काय कारवाई केली जाईल याचा आढावा घेण्यात आला. सुरक्षेच्या दृष्टीने संवेदनशील असलेल्या विमानतळ परिसरातील आपत्कालीन व्यवस्थापन कितपत सक्षम आहे, याची चाचणी घेणे हा या ड्रिलचा मुख्य उद्देश होता.