Sunil Shelke News: अजित पवार गटाच्या मावळ विधानसभेवर भाजप दावा करत असेल आणि हा दावा करताना राष्ट्रवादीच्या मावळ लोकसभेतील प्रचाराबाबत कोणी शंका घेत असेल तर हे योग्य नाही. असं म्हणत अजित पवार गटाचे आमदार सुनील शेळकेंनी भाजपवर नाराजी व्यक्त केलीये. ज्या पक्षाचा आमदार, त्याच पक्षाच्या वाट्याला ती विधानसभा असा बेसिक फॉर्म्युला महायुतीत ठरलाय असंही शेळके म्हणालेत. असं असताना देखील भाजपचे माजी राज्यमंत्री बाळा भेगडेंनी मावळ विधानसभेचा पुढचा आमदार कमळाच्या चिन्हावर निवडून येईल, असा दावा करत 2 ऑगस्टला मावळात मेळाव्याचे आयोजन केले. मात्र महायुतीचे प्रमुख मुख्यमंत्री आणि दोन्ही उपमुख्यमंत्री याबाबत निर्णय घेणार आहेत. मावळ लोकसभेत राष्ट्रवादीने महायुतीचा धर्म पाळला, मात्र त्यावर शंका घेत भाजपने धरलेला हा आग्रह योग्य नसल्याचं म्हणत, शेळकेंनी नाराजी व्यक्त केली.