पुण्यातील नामांकित दीनानाथ मंगेशकर रुग्णालयाने माणुसकी अदृश झाल्यासारखी कृती केली. यानंतर संपूर्ण राज्यातून रुग्णालय प्रशासनाच्या विरोधात संतापाची लाट उसळली आहे. या घटनेच्या निषेधार्थ पुणे भाजप महिला आघाडीच्या वतीने दीनानाथ मंगेशकर रुग्णालयाचे डॉक्टर सुश्रुत घैसास यांच्या अश्विनी हॉस्पिटलमध्ये घुसून परिसरात तोडफोड केली. डॉक्टर घैसासला माणुसकी नाहीये या डॉक्टरमुळे एका आईचा जीव गेला आहे. अशी संतप्त प्रतिक्रिया या महिलांनी दिली. तसेच क्लिनिकच्या आजूबाजूला असलेल्या कुंड्या महिलांनी फोडल्या आणि डॉक्टरला देखील फोडू असा गंभीर इशारा भाजप महिला कार्यकर्त्यांनी दिला आहे.