विधानपरिषदेच्या निवडणुकीसाठी मतदान होत आहे. निवडणुकीत महाविकास आघाडीच्या कोणत्याही मतदाराने मतदान केलं नसल्याची माहिती समोर येत आहे. तर कॉंग्रेसची मतं फुटणार असल्याचा दावा भाजप आमदार संजय कुटे यांनी केला आहे. कॉंग्रेसची चार मतं आम्हाला मिळणार आहेत असं कॉंग्रेसच्या आमदारांनीच आम्हाला सांगितलं आहे असं संजय कुटे म्हणाले. कोणता आमदार कोणाच्या बाजूने आहे हे स्पष्ट होत नाही, ही लोकशाही आहे, त्यामुळे कोणताही आमदार कोणालाही मतदान करु शकतो असं कुटे म्हणाले. आमच्याकडे संख्याबळ जास्त आहे, महाविकास आघाडीकडे संख्याबळ नसल्याचंही कुटे यांनी सांगितलं आहे. महाविकास आघाडी घोडेबाजार करत असून आरोप आमच्यावर करत असल्याचही संजय कुटे म्हणाले.