भाजपचे नवे प्रदेशाध्यक्ष मार्चमध्ये निवडले जाणार असल्याची माहिती समोर आली आहे. बूथ प्रमुख, तालुका प्रमुख आणि जिल्हा प्रमुखांच्या निवडीनंतर प्रदेशाध्यक्षांची निवड होणार आहे. जानेवारी महिन्यात सदस्य नोंदणी, तर फेब्रुवारीमध्ये बूथ प्रमुख, तालुका प्रमुख आणि जिल्हा प्रमुख यांची निवड होणार आहे. भाजप प्रदेशाध्यक्ष निवडीसाठी मार्च महिन्याचा मुहूर्त ठरला आहे.

बुथ प्रमुख, तालुका प्रमुख व जिल्हा प्रमुख निवडीनंतर भाजपच्या नव्या प्रदेशाध्यक्षांची निवड होणार असल्याचं सांगण्यात आलं आहे. यात १ ते २० जानेवारीपर्यंत भाजप सदस्य नोंदणी अभियान राबवणार आहे. तर २० ते २८ जानेवारी दरम्यान तब्बल ५ लाख अॅक्टीव्ह सदस्य भाजपकडून तयार करण्यात येणार आहेत. १ ते १० फेब्रुवारी दरम्यान बुथ प्रमुखांची निवड केली जाणार आहे. त्यानंतर भाजपकडून १० ते २० फेब्रुवारी दरम्यान राज्यात तालुका प्रमुखांची निवड केली जाणार आहे. तसंच २० ते २८ फेब्रुवारी दरम्यान जिल्हा ही निवडले जटिल असं सांगण्यात आलं आहे. त्यानंतर १५ मार्चपर्यंत भाजपला मिळणार नवा प्रदेशाध्यक्ष मिळणार आहे.