भाजपच्या कार्यकर्त्यांनी महाराष्ट्र नवनिर्माण सेनेचे नेते संदीप देशपांडे यांची कोंडी केली आहे. देशपांडे यांना त्यांच्या उपहारगृहावरून ट्रोल केलं जातंय. संदीप देशपांडे हे मराठी भाषा, स्थानिक भूमिपुत्रांना नोकरीमध्ये हक्क, हे मुद्दे त्यांनी कायम लावून धरले होते. अलिकडच्या काळात त्यांनी मराठी भाषेवरून अनेकदा भाजपची कोंडी केली. मात्र, आता भाजप कार्यकर्ते देशपांडे यांना त्यांच्या उपहारगृहावरून ट्रोल करत आहेत.

संदीप देशपांडे यांचे दादरमध्ये, ' इंदूरी चाट अन् बरंच काही..' या नावाचं उपहारगृह आहे. या उपहारगृहात मध्य प्रदेशातील पदार्थ आहेत. मु्ख्य म्हणजे या उपहारगृहाचा कूक देखील परप्रांतीय असल्याची माहिती आहे. त्यामुळे भाजप कार्यकर्त्यांनी संदीप देशपांडे यांना कोंडीत पकडण्यास सुरूवात केली आहे.