अमरावती : अमरावतीच्या धामणगाव रेल्वे विधानसभा मतदारसंघाचे भाजप आमदार प्रताप अडसड यांच्या बहिणीवर हल्ला झाल्याची घटना घडली आहे. भाजप आमदार प्रताप अडसड यांच्या बहीण सातेफळ फाट्यावरून जात असताना हल्लेखोरांनी त्यांच्या कारवर हल्ला चढवला असल्याची प्राथमिक माहिती मिळाली आहे.

हल्लेखोरांनी केलेल्या हल्ल्यात आमदार प्रताप अडसड यांची बहीण अर्चना रोठे जखमी झाल्या आहेत. या घटनेनंतर आमदार प्रताप अडसड यांनी कार्यकर्त्यांना शांत राहण्याचं आवाहन केलं आहे. त्यांना चांदूर रेल्वे येथे प्राथमिक उपचार करून पुढील उपचारासाठी अमरावतीला हलवण्यात आले आहे.