सिंधुदुर्ग जिल्ह्यातील सावंतवाडी नगरपरिषदेच्या नगराध्यक्षपदाच्या निवडणुकीसाठी भाजपने मोठी खेळी केली आहे. भाजपकडून सावंतवाडी राजघराण्यातील श्रद्धा राजे भोसले यांना उमेदवारी देण्यात आली आहे. मात्र उमेदवारी अर्ज भरल्यानंतर प्रसारमध्यमांशी संवाद साधताना तोडक्यामोडक्या मराठीमुळे त्या मोठ्या प्रमाणावर ट्रोल होत आहेत.

सिंधुदुर्ग जिल्ह्यातील प्रमुख नगर परिषद असलेल्या सावंतवाडी नगर परिषदेत यावेळी नगराध्यक्ष पद महिलांच्या खुल्या वर्गासाठी आरक्षित झाले आणि याठिकाणी श्रद्धाराजे भोसले यांच्या रूपात नव्या चेहऱ्याला संधी दिली आहे. मात्र उमेदवारी अर्ज दाखल केल्यानंतर प्रसारमाध्यमांशी संवाद साधताना अडखळल्याने आणि मराठी व्यवस्थित न बोलता आल्याने त्यांच्यावर टीका होताना पाहावयास मिळत आहे