विधानसभा निवडणुकीच्या पार्श्वभूमीवर भाजपची मॅरेथॉन बैठक येत्या 23 आणि 24 सप्टेंबरला होणार आहे. 2 दिवसांची ही बैठक मुंबईत ठेवण्यात आली आहे. भाजप कोअरकमिटी आणि निवडणूक समितीचे सदस्य या बैठकीत उपस्थित राहणार असल्याची माहिती आहे. या बैठकीत भाजपच्या उमेदवारांवर शिक्कामोर्तब होण्याची देखील शक्यता आहे. पितृपक्षानंतर भाजप आपल्या पहिल्या 50 उमेदवारांची नावं घोषित करणार आहे, अशी माहिती सूत्रांनी दिली आहे.

देशात आणि राज्यात विधानसभा निवडणुकांचे वारे आता वाहायला लागले आहेत. त्याच अनुषंगाने भाजप आता 2 दिवसांची महत्वाची मॅरेथॉन बैठक घेणार आहे. मुंबईत 23 आणि 24 सप्टेंबरला ही बैठक पार पडणार आहे. या बैठकीत अनेक महत्वाच्या मुद्द्यावर निर्णय घेतले जाणार असण्याची शक्यता आहे. या बैठकीत भाजपच्या उमेदवारांवर अंतिम शिक्कामोर्तब होईल असं देखील सूत्रांकडून सांगण्यात येत आहे. दरम्यान, पितृपक्षानंतर भाजप पहिल्या 50 उमेदवारांची नावं घोषित करणार आहे, असंही सांगण्यात येत आहे. त्यामुळे आता या बैठकीकडे सगळ्यांचंच लक्ष लागलं आहे.