माजी मंत्री लक्ष्मण ढोबळे यांनी शरदचंद्र पवार गटाच्या खासदार सुप्रिया सुळे यांची भेट घेतली आहे. त्यामुळे लक्ष्मण ढोबळे घरवापसी करणार का? याकडे सगळ्यांचं लक्ष लागलं आहे.

विधानसभा निवडणुकीच्या तोंडावर राजकीय वर्तुळात खलबतं सुरू असतानाच आता भाजपचे लक्ष्मण ढोबळे यांनी खासदार सुप्रिया सुळे यांची भेट घेतली आहे. त्यामुळे ढोबळे तुतारी हाती घेणार का? असा सवाल उपस्थित होत आहे. भाजपमध्ये डावललं जात असल्याचं लक्ष्मण ढोबळे यांनी म्हंटलं आहे. त्याचबरोबर ढोबळे यांचा मुलगा हा शरद पवार गटाकडून निवडणकून लढवण्यास इच्छुक असल्याचंही सूत्रांकडून सांगण्यात आलं आहे. माजी मंत्री लक्षं ढोबळे हे आधी शरद पवार यांचे कट्टर समर्थक मानले जात होते. त्यानंतर त्यांनी भाजपमध्ये प्रवेश केला होता. आता ज्या पद्धतीने शरद पवार यांच्या गटात इनकमिंग सुरू आहे त्या अनुषंगाने ढोबळे यांनी सुप्रिया सुळे यांची घेतलेली भेट महत्वाची मानली जात आहे. मोहोळ मतदारसंघ हा शरद पवार गटकडून लढवला जाणार असल्याने या भेटीचा काही फायदा होईल का या दृष्टीने देखील ही भेट पहिली जात आहे.