विजय वडेट्टीवार भाजपमध्ये सामील होणार असा गौप्यस्फोट भाजप नेते धर्मरावबाबा आत्राम यांनी केला होता. पण वडेट्टीवार यांनी ही बाब फेटाळून लावली होती. पण एअरपोर्टवर वडेट्टीवार आणि बावनकुळे यांची भेट झाली आणि वडेट्टीवार भाजपमध्ये सामील होणार असे आत्राम म्हणाले होते. पण अशा बैठकी एअरपोर्टवर होतात का असे वडेट्टीवार म्हणाले, हवं तर माझी नार्को टेस्ट करा असे आव्हान वडेट्टीवार यांनी केले आहे. यावर आत्राम यांनीही माझीसुद्धा नार्को टेस्ट करा असे प्रती आव्हान दिले आहे.