उद्धव ठाकरे यांच्यानंतर आता शिंदे गटाने देखील विधानसभेसाठी मुस्लिम उमेदवारांकडे लक्ष वळवलं आहे. भायखळा येथील शिंदे गटाच्या आमदार यामिनी जाधव यांनी मुस्लिम महिलांना बुरख्याचं वाटप केलं आहे. लोकसभेत ठाकरे गटाचे अरविन्द सावंत यांनी यामिनी जाधव यांचा पराभव केला होता. त्यामुळे आता अल्पसंख्यांक मतांवर शिंदे गटाने देखील लक्ष वळवल्याच चित्र आहे.

याबद्दल बोलताना मात्र यामिनी जाधव यांनी या कार्यक्रमाचा निवडणुकीशी संबंध नसल्याचं म्हंटल आहे. तर भाजपचे आमदार आशिष शेलार यांना या कार्यक्रमाबद्दल विचारले असता, 'आम्हाला असे कार्यक्रम मान्य नाही. मला या कार्यक्रमाची पूर्ण कल्पना नाही तरीही अशा बुरखा वाटपाच्या कार्यक्रमाच भाजप कधीच समर्थन करत नाही', असं म्हणत शेलारांनी या कार्यक्रमाला विरोध दर्शवला आहे. त्यामुळे या बुरखा वाटपंच्या कार्यक्रमावरून शिंदे गट आणि भाजपात बुरख्याचं राजकारण रंगण्याची शक्यता आहे.