विधानसभा निवडणुकीसाठी मुंबईतील भाजपच्या काही जागांवर उमेदवार बदली करण्याची शक्यता आहे. काही जुन्या नेत्यांचं विधानसभेत पुनर्वसन करण्यात येणार आहे. यात वर्सोवामध्ये भारती लव्हेकर यांच्या एवजी संजय पांडे यांच्या नावाला पसंती मिळत आहे. तर घाटकोपर पश्चिममध्ये राम कदम यांचा देखील पत्ता कट होण्याची शक्यता आहे. सायनमध्ये देखील तमील सेलव्हन यांच्या एवजी प्रसाद लाड आणि राजश्री शिरवडकर यांच्या नावाची चर्चा होत आहे. घाटकोपर पूर्वमध्ये देखील पराग शहा यांच्या जागी प्रकाश मेहता यांचं पुनर्वसन होणार आहे. तर बोरिवलीमध्ये सुनील राणे यांच्या एवजी गोपाळ शेट्टी यांच्या नावाला पसंती मिळत आहे. याबाबत केंद्रीय निवडणूक समिती अंतिम निर्णय घेणार असली तरी देखील सध्या या नेत्यांवर टांगती तलवार बघायला मिळत आहे. यातील किती नेत्यांना भाजप आता डच्चू देणार हे पाहाणं महत्वाचं ठरणार आहे.