मुंबईतील मालाडच्या मालवणी ७ नंबर परिसरात नव्याने उभारलेल्या बीएमसी आरोग्य प्रशिक्षण केंद्राच्या उद्घाटनाला तणावपूर्ण वातावरण निर्माण झाले आहे. स्थानिक काँग्रेस आमदार अस्लम शेख यांचा दावा आहे की हे आरोग्य केंद्र त्यांच्या प्रयत्नांमुळे उभे राहिले आहे.

मात्र, बीएमसीने आज या आरोग्य प्रशिक्षण केंद्राचे उद्घाटन मंत्रिमंडळातील मंत्री आणि उपनगरीय सह-पालकमंत्री मंगलप्रभात लोढा यांच्या हस्ते तसेच पालकमंत्री आशिष शेलार यांच्या उपस्थितीत करण्याचा कार्यक्रम आखला आहे.

यामुळे दोन्ही पक्षांचे कार्यकर्ते मोठ्या संख्येने ठिकाणी जमले असून आपापल्या नेत्यांच्या समर्थनार्थ घोषणाबाजी सुरू आहे. परिस्थिती तणावपूर्ण झाल्याने मोठ्या प्रमाणात पोलिस देखील त्या ठिकाणी आले होते.