मुंबई: शिक्षक मतदार संघातील उमेदवार शिवनाथ दराडे यांनी कुर्ल्यामध्ये सहकुटुंब मतदानाचा हक्क बजावला. यादम्यान त्यांनी माध्यमांशी संवाद साधला. शिक्षक मतदार संघाची निवडणूक अचानक लागल्यानंतर काही लोकांनी दोन दिवसापूर्वी फॉर्म भरला असेल आणि मग वेगवेगळ्या गैरमार्गाने कॅम्पेन केलं असेल अशा प्रकारे कॅम्पेन शिक्षक मतदारसंघांमध्ये आम्ही कधीच केले नाही.असे ते म्हणाले. 25 वर्ष शिक्षक चळवळीत काम करत असल्यामुळे कामाची पावती लोक देणार असा विश्वास त्यांनी व्यक्त केला आहे. आमदार शिक्षक पाहिजे असं असंख्य शिक्षकांनी ठरवलं असल्याचं दराडे म्हणाले. निवडणुका येतील जातील निवडणुका आम्ही जिंकणारच आहोत परंतु शिक्षक समाजामध्ये अशा प्रकारचे कॅम्पेन करणे पैसे, ओला-सुक्या पार्ट्या अशा प्रकारचे राजकारण चालणार नाही. आपण सगळ्यांनी पुढील काळामध्ये ज्या ज्या ठिकाणी शिक्षक मतदार संघाच्या निवडणुका होतील त्या त्या ठिकाणी प्रामुख्याने ह्या गोष्टी बघाव्या लागतील असं दराडे यांनी सांगितलं आहे.