मुंबई महापालिकेत सत्ता स्थापनेसाठी भाजप आणि शिंदेसेनेची हालचाली सुरू झाली आहे. तरी गट नोंदणीबाबत मोठा पेच सुटला आहे. स्वतंत्र अस्तित्व टिकवण्यासाठी शिंदेसेनेने भाजपसोबत संयुक्त गट न करता, स्वतंत्र गट म्हणून नोंदणी करण्याचा निर्णय घेतलाय. संयुक्त नोंदणीमुळे भाजपचे वर्चस्व वाढून शिंदेसेनेला त्यांचेच धोरण राबवावे लागले असते, हा धोका ओळखून हा सावध पवित्रा शिंदेसेनेनं घेतल्याची माहिती सूत्रांनी दिली आहे.

त्यामुळे आता भाजप आणि शिवसेना शिंदे गट यांची नोंदणी स्वतंत्र होणार आहे. स्वतंत्र अस्तित्व टिकवण्यासाठी शिंदेसेनेकडून हा निर्णय घेण्यात आला आहे. स्वतंत्र गटामुळे दोन्ही पक्षांना स्वतंत्र कार्यालये मिळतील. स्वतंत्र गटामुळे स्थायी समितीवर भाजपचे ८, शिंदेसेनेचे ३ सदस्य असतील. शिक्षण समिती अध्यक्ष निर्णायक ठरणार आहे.