कमी झालेल्या मताधिक्यामुळे मुंबईत भाजप आणि शिंदे गटाचे आठ आमदार धोक्यात असल्याची माहिती मिळतेय. दुसरीकडे उद्धव ठाकरे यांच्या दोन उमेदवारांचं मताधिक्य घटलेलं आहे. मुंबईमध्ये विधानसभेच्या ३६ जागा आहेत. त्यापैकी ३ विधानसभा मतदारसंघांमध्ये भाजपकडून महायुतीच्या उमेदवाराला कमी मताधिक्य मिळालंय. तर दोन विधानसभा मतदारसंघांमधून अगदीच काठावर मताधिक्य मिळालेलं आहे. त्यामुळे भाजपच्या एकूण १६ पैकी ५ आमदारांच्या भूमिकेवर लोकसभेच्या निकालानं प्रश्नचिन्ह उपस्थित केले आहेत.