अमरावती : भाजप पदाधिकाऱ्यांनी राणा दाम्पत्यांना पुन्हा एकदा विरोध केला आहे. अमरावतीमध्ये नवनीत राणा आणि रवी राणा यांचं वर्चस्व आहे.. अमरावती जिल्हा हा राणा दांम्पत्यांचा बालेकिल्ला समजला जातो.. परंतु याच बालेकिल्ल्यात भाजपने आता आक्रमक पवित्रा घेतला आहे. रावी राणा हे बडनेरा मतदार संघाचे आमदार आहेत. राणांना यंदा भाजपकडून उमेदवारी देऊ नका, अशी भाजपने मागणी केली आहे, अशी माहिती सुत्रांकडून समोर आली. बडनेरा विधानसभा मतदार संघ महायुतीतुन भाजपलाच सोडावा व स्थानिक भाजपला उमेदवारी द्यावी अशी मागणी स्थानिक भाजपच्या नेत्यांनी भाजपच्या बैठकीत केली असल्याची माहिती समोर आली आहे. लोकसभेतही पदाधिकाऱ्यांनी नवनीत राणांना विरोध केला होता.