ग्रामसेवकांना आता बायोमॅट्रिक हजेरी लागू करण्यात येणार आहे. राज्य सरकारने यासंदर्भातल्या सूचना आता पुन्हा एकदा जारी केल्या आहेत. ग्रामपंचायतीच्या कामाला शिस्त लावण्यासाठी राज्यसरकारने ग्रामसेवकांना बायोमॅट्रिक हजेरी लागू करण्याचा हा निर्णय घेतला आहे. ग्रामविकास विभागाच्या उपसचिव सीमा जाधव यांनी अलीकडेच राज्यातील सर्व विभागीय आयुक्त आणि जिल्हा परिषदेच्या मुख्य कार्यकारी अधिकाऱ्यांना पत्र पाठवलेलं आहे. यात ग्रामसेवकांची हजेरी जीपीएस आणि बायोमॅट्रिक प्रणालितून घेण्याचा आग्रह घेण्यात आला आहे. विधीमंडळात ग्रामविकासाबाबत झालेल्या चर्चेतून जिल्हा परिषदांकडून ग्रामसेवकांच्या हजेरी बाबत माहितीसुद्धा मागवण्यात आलेली होती. त्यामुळे आता ग्रामसेवकांना सुद्धा बायोमॅट्रिक हजेरी लावणं बंधनकारक आहे.